陳百強（1958年9月7日—1993年10月25日）係1980年代香港好紅嘅廣東歌手，作曲人同演員。佢1993年死前，昏迷不醒17個月。

冒起
陳百強未入行已經畀人知道有潛質。1977年參加【山葉電子琴大賽】得冠軍，同一年，佢作首《Rocky Road》奪得【香港流行歌曲創作比賽】季軍。之後代加入百代唱片公司，1979年推出佢第一張唱片《First Love》，裏面一曲《眼淚為妳流》令佢一炮而紅。1980年陳百強做埋戲，就憑《突破》同《喝采》兩套片，再加埋兩套戲主題曲，令到佢好受年青人歡迎。1980年代初達到高峰。之後改簽華納唱片公司，推出了不少作品，有唔少係鄭國江作詞。早期作品就有《等》，《幾分鐘的約會》，《偏偏喜歡你》，《今宵多珍重》等等。呢個時間嘅陳百強，可以同當時譚詠倫，張國榮比。1985年佢又簽DMI，一間百代同潘迪生合股公司，之後佢有出咗幾張好掂嘅唱片。去到1980年代尾，佢又返返去華納。