英國，全名大不列顛及北愛爾蘭聯合王國（英文：United Kingdom of Great Britain and Northern Ireland；威爾斯話：Teyrnas Unedig Prydain Fawr a Gogledd Iwerddon；蘇格蘭蓋爾話：An Rìoghachd Aonaichte na Breatainn Mhòr agus Eirinn mu Thuath；愛爾蘭話：Ríocht Aontaithe na Breataine Móire；蘇格蘭話：agus Thuaisceart Éireann Unitit Kingdom o Great Britain an Norlin Airlann，簡稱聯合王國或者英國），係西歐嘅一個島國。
佢係由大不列顛島上面嘅英格蘭（England）、蘇格蘭（Scotland）同威爾斯（Wales），加埋愛爾蘭島東北部嘅北愛爾蘭（Northern Ireland）共同組成，仲包括1098個小島同埋一啲海外領地。英國本土係喺歐洲大陸西北面嘅不列顛群島，畀北海、英吉利海峽、凱爾特海、愛爾蘭海同大西洋包圍。
英國國旗似個中文嘅「米」字，所以有個花名「米字旗」。米字旗其實係由英格蘭、蘇格蘭同愛爾蘭三支旗嘅圖案合併而成。威爾斯由於早期已經畀人認為係英格蘭嘅一部份，所以佢嘅旗並無出現晌米字旗上面。米字旗最早其實係王室嘅旗幟，即使到咗今日，英國都無法律確認米字旗做英國的國旗，不過佢晌功能上同國旗已經無乜差別。
近代英國藉住300幾年嘅貿易、移民同埋武力征服，將帝國嘅殖民地伸展到世界各地，1890年代嘅高峰期領土遍及地球四分之一嘅土地，包括晒南極洲在內嘅七大洲、四大洋，據統計，1899年英國嘅殖民地人口有3.09億，土地面積達930萬平方千米。每日無時無刻都有部份英國領土畀太陽曬住，所以英國亦都畀人叫做「日不落帝國」（the sun never sets on the British Empire）。英國嘅殖民地有加拿大、埃及、肯尼雅、南非、印度、阿富汗、緬甸、馬來西亞、香港、澳洲、紐西蘭等。英國嘅殖民對以上國家嚟講都有好深遠嘅影響。
英國嘅君主立憲制以及民主思想亦令近代唔少國家仿傚，例如日本就學習英國嘅君主立憲制，至於民主思想，更影響今日世界至深。
英國係第一、第二次世界大戰主要戰勝國，所以成為咗聯合國安理會常任理事國。佢亦都係歐洲聯盟、北大西洋公約組織同英聯邦（大英帝國嘅繼任組織）成員國。

歷史分期

英國國教（聖公會）：2700萬人，自從1534年亨利八世脫離天主教以來，英國君主係聖公會嘅最高元首。
天主教： 900萬
伊斯蘭教：100萬
長老會： 80萬（蘇格蘭國教同埋北愛爾蘭的最大教派）
循道公會：76萬
印度教：35萬
猶太教：30萬