如果有白事，出席喪禮嘅親友都會向亡者家屬送上錢嚟代表對先人嘅小小敬意，亦好實際咁幫助一吓在生嘅人。哩筆放喺白信封入面嘅錢稱之為「帛金」。「帛」係絲織品嘅總稱，絲織品喺古時係貴重物品，「財帛」就係泛指金錢。以前嘅人除咗會俾錢做帛金之外，仲會用其它貴重物品嚟表心意，例如金銀珠寶、布料衣匹，或者有價值嘅嘢嚟俾亡者用嚟陪葬或俾家屬安家，而今時今日就已經普遍咁會俾錢。