中文係指漢語同埋漢字。當提到語言方面，中文亦都被叫做「中國話」、「華語」、「漢語」；當提到文字時，中文亦都被叫做「中國字」、「漢字」。

漢語
主文：漢語
漢語係世界上使用人數最多嘅語言之一，世界上大約有1/5嘅人使用漢語做母語。喺中國大陸、臺灣、新加坡等地，都用漢語做官方語言。漢語亦都係聯合國工作語言之一。
現行通用嘅漢語—普通話（國語）係用北方話做其基礎音系。但係講漢語嘅地區，除咗主要通用嘅普通話外，仲有多種漢語方言做通用語言。語言學家根據漢語方言嘅不同特點，把漢語劃分為七大方言：北方語、吳語、湘語、贛語、閩語、粵語、客語。除咗普通話，香港同埋澳門係用粵語做通用語言，境外華人則用粵語、閩語、客家話或其他漢方言做社區交際通用語言。