物理學，簡稱物理，係研究物質嘅特性同規律嘅一門學問，可以話係自然科學之中最基本，覆蓋面最廣嘅。細至構成物質嘅基本粒子，大至整個宇宙，都係物理學嘅研究範圍。有哋特性係所有物質系統都有嘅，好似能量守恆噉，我哋就稱佢為物理定律。
有人話物理學係基礎科學，因為其他嘅自然科學，好似生物學、化學、地質學噉，佢哋研究嘅對象都係遵守物理定律嘅。物理學同數學之間亦有好密切嘅關係，因為物理定律往往要用算式同埋代數或幾何學概念嚟表達。物理學用到或啟發嘅數學理論亦往往比其他嘅自然科學深入好多。
物理學家經常嘗試用科學方法解決所有問題，例如整模型或者做實驗。由於佢太基礎，以前好多人都將物理睇成一種自然哲學。直至近代，物理先至同哲學分家。

物理學同其他課題嘅關係
好多其他學科都同物理有啦能。由於多數自然現象都係其實科學範疇嘅研究範圍，科學家喺發現新物理定律嘅時候好多時都會掂到其他學科。有啲物理定律，例如能量守衡喺所有學科上都用得著。其他發明，例如超導體，係呢啲定律嘅衍生品。不過呢啲衍生現象唔可以叫做定律，因為佢地唔係所有地方都啱用。