孲𤘅子（，[音：nga4 nga1 jai2]，讀 ），亦叫「蘇蝦仔」（正寫臊孲仔或者蘇孲崽），就咁蘇蝦，BB（啤啤），書面語係「嬰兒」，係啱啱出世到三四歲嘅人仔。

寫法、出處
一出世嘅孲𤘅膊頭同個臗位窄，肚少少凸，手腳短。佢哋嘅平均重 3.2 kg，可以由 2.7 到 4.6 kg。平均身長 35.6–50.8 cm，未足月嘅 B 細啲。孲𤘅嘅頭大。
啱啱出世嘅孲𤘅，個頭佔個成個人好大份。頭蓋骨相對塊面係好大。大人嘅頭骨係佢個身長嘅八份一，孲𤘅就係四份一。啱啱出世嘅孲𤘅嘅頭骨未生埋，呢兩個軟軟哋嘅地方叫腦囟 (fontanelle)。有個鑽石形、大嘅前腦囟，響頭嘅前頂方，同細三角形嘅後腦囟，響頭嘅後面。
有啲啱啱出世嘅孲𤘅，響膊頭、背脊、前臂、耳、塊面度有啲幼細嘅毛毛，叫胎毛（lanugo）。一般胎毛幾星期自己會甩。有啲 BB 出世嗰陣好多頭髮，有啲就冇乜，有啲仲光頭。頭殼有啲瘀，眼有啲腫，遲啲會散。
孲𤘅出世時穿過陰道。頭會變形，拉長咗，幾日到幾星期會變返正常。
啱啱出世嗰陣, BB 嘅皮膚程暗藍色，一開始吸氣會變返正常膚色。仲會有層白色嘅嘢，叫 "vernix caseosa"，有抗菌作用。腳仔手會甩皮，仲有胎記。
BB 嘅性器官會紅腫，男 B 嘅 jer jer 又大又紅，個袋袋特大，無論男女 BB 個胸都會大，係由於母體嘅激素做成嘅短暫情況。 男女孲𤘅嘅可乳頭能會出奶，或女 B 由陰道流出血/奶狀嘅液體，兩個情況都係正常嘅，好快會消失。
孲𤘅嘅臍帶係藍白色，臍帶剪咗之後，會留返 2-5cm 喺度，三星期左右，就會乾、變黑、縮細，最後自己甩出嚟。有時醫院幫 B 嘅剪臍帶個位搽藥水防止感染，臍帶睇起黎紫紫哋。
呢啲種種響啱啱出世嘅孲𤘅嘅特徵好快會消失。老少少嘅 BB 個樣好唔同，有人認為老少少嘅𤘅仔得意啲，亦有人覺得啱啱出世嘅好醜樣。

啱啱出世個樣
孲𤘅最鍾意俾人摸、掃、抱。抱著搖下搖下、沖暖水涼、按摩通想可以令 BB 喊少啲。佢哋鍾意食手指、啜奶嘴。啜嘢係本能嚟嘅，畀 BB 食奶。
BB 視力一般，只係睇倒眼前 45 cm 嘅嘢。雖然睇得唔遠，夠佢食人奶嗰陣睇倒阿媽個樣。 當 BB 唔瞓覺、唔喊、唔食奶嗰陣，就會乜都睇一餐，呢啲嘢一般係顏色對比大、複雜嘅 patterns。BB 最鐘意都係睇人嘅樣。
孲𤘅仲喺阿媽肚裏面已經可以體內發出嘅聲好似阿媽嘅心跳，外面嘅聲好似人聲車聲都聽得倒。胎裏面嘅 B 雖然浸喺佯水度可以聽倒聲。BB 對女聲反應好過男聲，因此可能解悉點解同BB 講嘢嗰陣啲人會提高把聲。人聲，尤其是係阿媽把聲，會令 BB 好舒服。大大聲、爆音會嚇驚佢哋。
BB 一出世就對甜、酸、苦、鹹有反應，甜嘅嘢就最鍾意。一出世嗅覺就好發達，喺第一星期，已經可以分辨到呀媽同第個女人啲奶嘅味道。

食啲乜，照顧

細路