撚係一個粵語粗口字，讀作nan2。哩個字係假借字（俗寫係「門」字入面加個「能」（𨶙），發音為len2），「撚」字原意係指捏取、揉搓、撥弄之類嘅動作。
而粗口「撚」字意思係：
大家男兒一條撚（大家男性都係一條陽具。）
玩撚完！（一切都完嘞、冇嘞，或者失敗咗；係取材自打機嘅「遊戲完咗」，Game Over）
你頭先拍我膊頭做乜撚嘢呀我屌你老母！（哩句係摘自巴士阿叔事件片段裡面嘅語錄。可以感受到個語氣係幾咁重。）

作名詞用，「陽具」嘅意思，量詞係「條」或者「碌」。例子：
語氣助詞，本身冇意思，用作加強語氣。例子：
助詞，用法同「鳩」、「閪」及「七」字相同。可以作為顛倒句子嘅意思。例子將會喺下面嘅《文法》裡頭介紹。 常見嘅單獨字句應用

含撚—用口含住陽具，係一個動作；但係用嚟侮辱人哋嘅多，包括埋同性。例如：叫你搬少少嘢都嗌重，唉你含撚啦！（要注意，因為語帶侮辱，千奇唔好同老婆或者女朋友講：「老婆／打令，幫我含撚～」，咁樣講帶有好重嘅覺得人低賤嘅語氣，係好唔尊重對方嘅表達。）
撚樣—好似陽具咁嘅樣。用嚟鬧人，尤其係指男性。
懵撚—傻更更成日撞板嘅人。意思比較粗俗，又係鬧人用。
把撚—用手扶住陽具。多數形容一件事冇意思，或者係冇成功率。例句：佢整壞你部腦，你鬧我把撚呀？（係佢整壞你部電腦，你鬧我做咩呀？）
唔撚化—思想守舊古板，唔開化。