足智彩(HKJC Football)係依家香港唯一合法嘅賭波途徑，由《香港賽馬會》（Hong Kong Jockey Club）嘅《香港馬會足球博彩有限公司》（HKJC Football Betting Limited）做莊，收足球賽果嘅投注。
除咗喺馬會投注站落注，賭友亦可以用電話">電話或者互聯網，或用馬會嘅投注直駁機落。

足智彩（玩法同簡介）

過八關投注方式
又叫「歐洲盤」或「標準盤」。玩法係要買中贏波嗰隊，或者和波。彩金按賠率計。

可以過關咁買，最多過八關；有啲特定嘅場次設中場或即場投注。（中場或即場投注暫時只有電視直播嘅賽事先有提供） 【主客和】(Home Away Draw)
玩法同主客和一樣，不過係要買中上半場完場連埋補時入面嘅主隊領先、客隊領先或者暫時和局。彩金按賠率計。

可以過關咁買，最多過八關；特定嘅場次至有得賣。（暫時一般嘅賽事都會開，留意馬會公佈） 【半場主客和】(First-half HAD)
就球隊嘅強弱而開讓幾多球做盤口，分「讓球主客和」同埋「讓球」（俗稱「亞洲盤」），以馬會公佈嘅讓球盤口做準，盤口嘅叫法係「讓幾多球」同埋「受讓幾多球」。彩金按賠率計。
讓球主客和，係要買中喺讓球整數下賽事嘅勝方或和局而派彩；以下面嘅模擬盤口為例：

強隊（－１）　對　弱隊（＋１），即係強隊讓咗一球俾弱隊，假若最後賽果係１：０強隊贏，喺強隊要減一球嚟讓人嘅情況之下，賽果就會設定做０：０，因此一定要押注和局先至有彩金，唔係就輸，如此類推。
讓球（亞洲盤）就冇得買和局，只可以買主隊或者客隊贏，盤口亦唔一定係整數。若果計算過讓球盤口嘅結果出現和局，投注嘅金額係可以退回部份或者全數，行內稱之為「走盤」。以下面嘅模擬盤口為例：

強隊（－０／０．５）　對　弱隊（＋０／０．５），即係話強隊要讓零球同埋半球俾弱隊（術語叫「讓平半」，如此類推；「平」即係平手），因為其中有兩個讓球盤口出現，所以個投注金額就會一分為二。假若個原本賽果係０：０和局，強隊要減零即仍然係和局，咁一半投注嘅錢就可以走盤，而另外一半盤要減半球嚟計，因為入球數係冇半球，只係想攞個中位數嚟做指標，咁弱隊加半球已經係超越咗零嘅正數，故此會當成弱隊勝出；用以上哩個例子，如果用兩百元買弱隊贏嘅話，咁一百元就會退返唔駛輸，另外一百元就會乘以弱隊嘅賠率嚟收派彩；而如果原本賽果係弱隊贏０：１或更多嘅話，咁直頭可以收哂兩個盤嘅派彩，即係買幾多乘幾多；如此類推。

設過關，最多過八關。 【讓球主客和】／【讓球】(Handicap HAD/Handicap)
要買中全場賽事裡面雙方總共嘅入球數字，由「零球」至到「七球或以上」一共有八項選擇。彩金按賠率計。

設過關，最多可以過八關。 【總入球】(Total Goal)
會設個中位數嚟釐訂入球數係大定係細；馬會喺球賽開波前預設嘅中位數就係2.5球，即係全場總入球嘅數目係兩球或以下的話咁就係細（小），總入球如果係三球或以上就係大，如此類推。有時遇到一啲強弱懸殊嘅對賽，或者研究過隊伍過往嘅得失球多與少，甚至有其它特別因素出現嘅話，咁中位數就會因應情況而有所調整。
至於中場入球大小都係買全場嘅大小，但就只有喺中場休息時嘅十五分鐘先會開售，個中位數亦會因應上半場有冇入球同埋入咗幾多球嚟再重新釐訂；有啲好重要或者廣受關注嘅賽事，仲會開設埋即場大小，可以喺比賽進行期間落注，賠率同埋中位數亦會因應比數同埋賽事變數而不時浮動。彩金按賠率計算。

設過關，最多可以過八關；某啲特定嘅場次會設中場投注。（中場投注暫時只有電視直播嘅賽事先有提供） 【入球大細】(HiLo)
以入球嘅總數嚟投注單數或者雙數。如果嗰場賽事係冇入過波，咁結果係０，就視佢為雙數。彩金按賠率計算。

設過關，最多可以過八關。 【入球單雙】(Odd Even)

過六關投注方式
要買中全場賽事裡面，雙方嘅正確入球比數係幾多比幾多。暫時係有卅一個選擇，包括十三項主隊勝嘅結果，五個和局嘅結果，同埋十三項客隊勝嘅結果。彩金按賠率計。

設過關，最多可以過六關；某啲特定嘅場次會設中場同埋／或者即場投注。（中場或即場投注暫時只有電視直播嘅賽事先有提供） 【波膽】(Correct Score)
要買上半場嘅主客和，以及全場嘅主客和，總共會有九項選擇，彩金按賠率計算。
舉個例：場波嘅上半場係和局，但係全場結果就主隊贏咗，咁就要買「上半場和，全場主」（又可簡單啲叫「和主」）先至贏錢；如此類推。

設過關，最多可以過六關。 【半全場】(HaFu)
要買中賽事裡面最先入波嘅攻方球員。投注選擇大致可以分為以下三個類別：
一定要買中以上嘅選擇先至有得派彩。如果揀中嘅球員並冇出場，或者攻入咗第一個波之後先出場，又或者未有首名入球嘅時候賽事話要腰斬，咁就可以得到退款。唔理揀嗰個球員係正選定係後備換入而最終雙方都冇入波，或者喺入第一個波之前就俾人換離場，就係當輸。彩金按賠率計算。
註：因為馬會多數係跟據嗰隊波一貫嘅出場主力而編排球員名單，但如果馬會提早收到嗰日嘅出場陣容，（哩度用足球員雲尼斯杜萊嚟舉個例）發現原來 101 號嘅雲佬嗰日係冇喺出場陣容之中，咁佢首名入球裡面個名就會被剔除，101 哩個編號就會變成冇效；開頭買咗佢嘅投注者係會獲得退款。

設過關，最多可以過六關；只有某一啲特定嘅場次先有得買（多數係有電視直播，同埋係熱門球隊嘅賽事）。
名單裡嘅球員：馬會提供嗰場對賽球隊嘅主隊同埋客隊球員名單，多數係會按前鋒中場及後防哩個次序嚟編號，而 1 字頭就係主隊嘅球員（例如 101，多數係主隊嘅前鋒，如此類推），2 字頭就係作客隊嘅球員。留意，編排時係唔會知道嗰場波嘅球員係唔係正副選抑或唔喺出場陣容之中。
名單以外嘅球員：因為馬會提供嘅球員名單有限，唔喺選擇裡面嘅球員會被歸入做「主其他」或者「客其他」。
冇首名入球：如果嗰場賽事冇人入波，或者淨係得烏龍球，就計為「無首名入球」。 【首名入球】(First Goal Scorer)

固定過關
以馬會指定嘅八場賽事嚟互穿主客和過關，玩法同主客和過關一樣，但係就一定要全數過哂關（即係只有八串一），一條飛亦都唔可以複式咁落注，想要多個選擇就要分開嚟買。過關嘅人除咗可以贏到咁多關賠率同投注額相乘之外，仲可以贏埋特設嘅額外彩金。（可參考上面嘅「主客和」）

按主客和嘅賠率嚟派彩，另外再加過哂咁多關嘅額外獎金（暫時停售，直另行通知）。 【套餐主客和】(Section HAD)
以馬會指定嘅六場賽事嚟互穿半全場過關，玩法同半全場過關一樣，可以複式咁買（可參考上面「半全場」）。過到五關半都有安慰獎派彩。如果之前冇人中，彩池會繼續滾落下一口嘅六寶半全場。

同中同分彩池嘅派彩形式，設多寶獎同埋安慰獎。 【六寶半全場】(6 HaFu)
以馬會指定嘅兩場賽事嚟互穿波膽同半全場混合嘅過關，投注者係要買中頭關嘅上半場同埋全場嘅正確比數分別係幾多比幾多，加埋尾關嘅上半場同全場正確比數係幾多比幾多（可參考上面「波膽」）。如果之前冇人中，彩池會繼續滾落下一口嘅孖寶半全膽。

同中同分彩池嘅派彩形式，設有多寶獎。 【孖寶半全膽】(Double HaFu Score)

【冠軍】(Champion)
＜小組Ｄ＞：
１．荷蘭　　　－＞　９分
２．羅馬尼亞　－＞　２分
３．捷克　　　－＞　４分
４．波蘭　　　－＞　１分
睇到荷蘭以９分成為＜小組Ｄ＞嘅首名出線隊伍，投注者要喺分組賽完成之前落注買中佢，先可以贏得彩金。如果賽程進行緊時有一隊波嘅分數已經大幅領先，咁馬會可能喺分組賽未完之前就會將哩個組別封盤唔再接受投注。彩金按賠率計算。

馬會亦有得買一啲大賽喺分組賽時嘅小組首名出線隊伍，玩法叫做小組首名。有啲大賽例如世界盃咁，會有好多國家或者隊伍參加，要喺眾多隊伍之中搵出最後可以入圍嘅精英打強隊賽，角逐最後錦標，就要先進行分組淘汰賽；淘汰賽一般係會分好幾組進行，由三組至八組唔定（視乎賽事嘅規模），而每組通常會有四至六隊球隊去互相對賽嚟攞分數爭取入圍資格，當隊伍經過分組淘汰賽而最後能夠以最多分數或者較好對賽成績成為嗰組嘅第一名，哩隊球隊就係小組首名。以下假設一個例子（已完成分組賽嘅成績）： 【小組首名】(Group Winner)
＊＊注意＊＊：

哩個同小組首名類似，不過除咗要買中分組裡面第一名出線嘅隊伍之外，仲要買中埋第二名隊伍先可以贏得彩金；用返上面＜小組Ｄ＞做例子，當中嘅荷蘭隊因為積分最高而成為咗＜小組Ｄ＞哩個分組嘅第一名（小組首名），而捷克隊就因為分數較次而成為第二名隊伍，於是投注咗小組一二名＜小組Ｄ＞嘅荷蘭第一名，捷克第二名就可以贏得彩金嘞。
用返上面例子，當＜小組Ｄ＞裡面嘅某兩隊球隊開波嘅時候，咁成個＜小組Ｄ＞嘅小組首名同小組一二名都會暫停受注，直至嗰場波打完為止；不過其他冇打緊嘅比賽小組就仍然可以買。 【小組一二名】(Group Forecast)

哩個項目係要預測邊一位球員喺一整段賽事入面成為嗰項錦標嘅入球最多球員，就可以分得彩金；舉個例，投注者如果喺西班牙甲組足球聯賽開季前或者進行緊嘅時候買咗皇家馬德里球員雲尼斯度萊係西甲嘅神射手，而到整個賽季完咗之後得出公佈哩個殊榮係由雲佬奪得，咁就可以得派彩。注意嘅係，計算係要跟據球員要喺同一個錦標裡面嘅總入球數最多，其它錦標就要喺另一個組別度分開買，即係西甲還西甲，雲佬代表皇馬或者佢個人嘅其它入波（可能係歐洲聯賽冠軍盃或者其它錦標嘅入波）係唔會被計算。法定時間後射十二碼決勝負嘅入波係唔計嘅，至於邊啲錦標賽事會開神射手盤就要睇馬會嘅公佈。彩金係按賠率計算。 【神射手】(Top Scorer)

馬會開設足智彩嘅初時，其實仲預備咗一個叫做特別注項嘅投注項目嚟作不時之需，至於內容據聞要睇馬會覺得有咩受到關注或值得開盤而臨時加設，有可能係世界頂級球王喺某場波嘅入球數目，又或者某場波入面有冇烏龍波，甚至係入第一個波時球員用身體嘅咩部位…等；不過以上都只係假設，因為到現時為止馬會係未動用過哩個投注項目，所以哩度提出只作為參考。 投注方式與彩池

『劃飛』：　到投注站自己劃飛嘅時候，會睇到主隊係會用 "1" 嚟代表，而客隊會用 "2"，打和就會用 "X" 嚟代表。
『混合過關』：　馬會已經增設咗「混合過關」，有一啲投注方式係可以互相串連嚟過關；例如可以：三串一，頭關揀主客和，次關揀波膽，三關揀首名入球，如此類推；要注意某啲投注方式最多只可以過六關，例如波膽、首名入球……哩啲，如果條飛係有哩啲投注方式嘅話，就算中間搭住可過八關嘅投注方式，咁成條飛最多都只可以過六關。仲有一樣要提醒嘅係，同一場賽事係唔可以同時選擇兩種投注方式，即係話買第一關第一場想要主客和，第二關又係要第一場，但係想要波膽……哩啲並唔係叫過關，千萬唔好誤會而走去同投注服務員理論。
『法定時間』：　所有嘅投注只會計算場賽事喺九十分鐘法定時間連埋補時裡面嘅結果，加時或者最後要互射十二碼分勝負……等哩啲係唔計嘅。
『賽事取消或腰斬』：　如果場波遇到突發事件而臨時取消，又或者中途腰斬咗，咁派彩嘅安排就要等馬會公佈為準，不過如冇問題嘅一般嚟講，單注會退飛，過關就當１賠乘落去。如果係投注咗半場主客和，只要賽事唔係喺上半場完場前腰斬，咁唔理下半場有冇繼續踢都可以獲得派彩。
『最低投注額１』：　所有嘅投注方式同埋彩池嘅最低投注額，係會跟據馬會嘅唔同投注渠道而有所唔同，唯獨馬會設定讓球（亞洲盤）嘅最低投注額暫時係港幣$200-。另外，唔理最低投注額係幾多，都可以用單注、複式或者過關形式嚟令到投注總和達到最低注額嘅要求。用讓球做例：若果投注過關３串７（三關七注飛），每關揀一個選擇咁計，係可以用每注 $30- 嚟投注，得出嚟嘅總注額將會係 $210-，咁就可以達到讓球最低注額 $200- 嘅規定，如此類推。
『最低投注額２』：　投注「六寶半全場」同埋「孖寶半全膽」彩池嘅最低投注額係 $10-，但若果組合過後嘅總投注額係超過 $100- 嘅話，就可以用每注 $5- 嚟投注。
『電視直播與受注』：　依家如果有電視即時直播嘅賽事，馬會一般都會開即／中場投注，但係有時某場賽事有電視直播但係馬會冇開任何盤或者冇開即／中場投注，可能因為賽事與足智彩策略嘅衝突問題或者未開始做嘅賽事介別，例如本地波、意乙、中超……等，咁有冇得買哩啲嘅爭議都係要以馬會公佈為準。
『即場／中場』：　當球賽打緊嘅時候，除非有指明係有中場或／及即場投注，否則關於嗰場波嘅所有盤係唔會或暫時唔會接受投注。
『賠率變動及派彩』：　因為所有馬會投注方式嘅固定賠率會因應變數而不時咁變動，所以喺官方網頁或者電話投注查詢而得到嘅賠率只係提供參考，至於派彩嘅賠率將以投注嗰時所定嘅賠率為準；另外所有派彩嘅總數係包括埋投注嘅本金。
『聲明』：　以上所有嘅嘢只係作為簡單嘅介紹，詳細嘅事項就要以馬會官方出嘅投注細則為準。