阿道夫·希特拉（Adolf Hitler，1889年4月20號—1945年4月30號）喺1933年直到佢死為止係德國總理，由1934年開止直到佢死為止係德國嘅「阿頭」(Führer)。喺佢做總理同埋領袖嗰陣，佢俾人非官方咁樣話係德國嘅「獨裁者」。希特拉由1921年開始亦都係國家社會主義德國工人黨（Nationalsozialistische Deutsche Arbeiterpartei，即係納粹黨）嘅領袖。
希特拉喺德國第一次世界大戰之後嘅危機嗰陣得勢。佢用咗宣傳同埋有說服力嘅演講，佢關注咗中產同埋草根階層嘅經濟需要，並且有一種民族主義、反猶太主義同埋反共產主義嘅味道。喺創立咗一個重新架構過嘅經濟，一個重新武裝過嘅軍隊，同埋一個極權統治嘅政權之後，希特拉採納咗一個向外擴散嘅壓迫性外交政策，嚟擴張德國嘅生存空間。咁樣，當德國佔領咗奧地利同埋捷克一啲土地，同埋入侵咗波蘭之後，就觸發咗第二次世界大戰。呢啲地方大部分後嚟都俾人併入咗大德意志帝國（Großdeutschland Reich）嘅範圍裏面。
雖然納粹德國同埋軸心國喺顛峰時期佔領咗歐洲大部分國家嘅地，佢地最後都俾聯軍打敗咗。打完仗，納粹德國總共殺咗大嘅一千一百萬人，包括屠殺六百萬猶太人。
喺戰爭嘅末期，因為柏林俾蘇聯紅軍佔領咗，希特拉同佢老婆喺地下室裏面自殺。