coursewares/cow/cattle/images/1a3.jpg" alt="水牛" align="center" style="padding:10px" />
水牛係一種大型既偶蹄動物，養水牛喺亞洲同美洲都非常普遍。喺亞洲，水牛主要用嚟做勞動工作；喺歐洲嘅意大利、羅馬尼亞同保加利亞，水牛畀人當係奶牛或者養來畀人食。今時今日喺印度、尼泊爾、不丹同泰國仲有野生水牛，澳洲北部都有野生水牛。喺東南亞既野生水牛來歷就唔係好清楚，佢地可能係由野化咗嘅家水牛嘅後代，亦可能係本地原來就有嘅野生水牛後代，或者係兩者嘅交配產物。而家下野生水牛已經相當少見。
水牛奶較牛奶嘅含脂量高，因此比較容易保存。意大利著名嘅Mozzarella乾酪同埋流行喺珠江三角洲嘅雙皮奶就係用水牛奶製成嘅。

食性同生態地位
同犀牛﹑水鹿一樣，水牛對濕地有正面作用：佢哋食草嘅行為可以控制植物嘅過份生長；佢地行路時所留低嘅糞便，同造成嘅大小水氹，畀咗昆蟲，蛙同雀仔提供食物同埋棲身之所，水牛亦都係老虎同鱷魚嘅主要獵物。