聯合國安全理事會（簡稱聯合國安理會或者安理會，英文">英文：United Nations Security Council）係聯合國入面最有權力嘅機構，負責維持國際之間嘅和平同埋安全。根據《聯合國憲章》，安理會同其他聯合國機構唔同，佢作出嘅決定必須由相關嘅成員國遵守同執行。聯合國安理會第一次嘅會議係喺1946年1月17日召開。而佢所作出嘅決定就叫做聯合國安全理事會決議。
聯合國安理會有5餉常任理事國，呢5個國家係第二次世界大戰嘅5個戰勝國：中華民國、法國、蘇聯、英國、同埋美國。喺1971年聯合國通過聯合國大會2758號決議，中華人民共和國取代中華民國成為聯合國嘅成員同埋常任理事國。而1991年蘇聯解體之後，蘇聯喺安理會嗰位由俄羅斯接替。