番茄係茄科茄屬植物，學名 Solanum lycopersicum（舊學名 Lycopersicon lycopersicum）。番茄原產響美洲。番茄係種短命嘅多年生植物，可以生到一到三米高。佢條梗（gwaang2，讀似框，陰去聲）雖然係木質，但係好弱，所以要爬住其他植物生。番茄葉長 10 到 25 厘米，似羽毛，一塊葉有五到九瓣，一瓣八厘米長。葉邊似鋸，梗同葉都係毛。花黃，1 - 2 厘米闊，花冠有五瓣向外。花成束生，一束有 3 到 12 朵。果係可以食醬果，通常都係紅嘅，野生得一兩厘米，種嘅可以大隻啲。
番茄、茄、薯仔同埋好多有毒嘅品種都一屬。
廣東話叫佢做番茄係因為佢番邦來嘅茄。不過因為佢係植物，好多人連個番都寫做蕃，變咗做「蕃茄」。
番茄英文名叫tomato，係來自 Nahuat 話 tomatl。而個種名 lycopersicum 係狼桃咁解。