朱經武（1941年12月2號—），英文">英文名係 Paul Chu，係一個物理學家，喺中國湖南長沙出世，1962年喺台灣國立成功大學完成咗大學理學學士學位，喺 1965年再喺紐約市霍涵大學 (Fordham University) 拎得理碩士學位，喺 1968年嘅時候喺加州大學聖地亞哥分校取得哲學博士學位（物理學）。由2001年7月1號開始喺香港科技大學做校長。
朱校長亦都獲得咗俄羅斯工程學院嘅院士（2005年），佢同時亦都係美國科學院、美國人文及科學學院、中國科學院、台灣中央研究院同埋發展中世界科學院嘅五院院士。